Oshxona · bitta qozon

Qozonda o'zbekcha palov

Palovning siri zirvakda. Go'sht, piyoz va sabzi sekin qovuriladi, guruch esa ustidan tekis yoyiladi va aralashtirilmaydi.

taxminan 2 soat6 kishilikqozon va olov

Nimalar kerak

  • 1 kg qo'y go'shti (yelka yoki son)
  • 1 kg sariq va qizil sabzi
  • 1 kg devzira guruch
  • 3 ta o'rtacha piyoz
  • 250 ml o'simlik yog'i yoki 200 g dumba
  • 2 bosh sarimsoq
  • 1 osh qoshiq zira
  • 1 choy qoshiq quritilgan zirk
  • 1 dona achchiq qalampir
  • tuz, taxminan 2 osh qoshiq
  • xohishga ko'ra: 150 g ivitilgan no'xat

Maslahat

Go'sht, sabzi va guruchni teng miqdorda oling. Klassik nisbat 1:1:1.

Sabzini qirg'ichdan o'tkazmang. Qo'lda, uzun somoncha qilib to'g'rang, shunda u ezilib ketmaydi.

Qozon qancha qalin bo'lsa, palov shuncha bir tekis pishadi.

Qanday pishiriladi

  1. Guruchni sovuq suvda suv tiniq bo'lguncha yetti-sakkiz marta yuving. Keyin iliq, ozgina tuzlangan suvga bir soatga ivitib qo'ying.
  2. Qozonni yaxshilab qizdiring va yog'ni yengil tutun chiqquncha qizdiring. Dumba ishlatsangiz, uni maydalab eriting va jizzasini olib tashlang.
  3. Piyozni yarim halqa qilib to'g'rang va tilla rangga kirguncha qovuring. Go'shtni katta bo'laklarga bo'lib, ustida qizarib qobiq hosil bo'lguncha qovuring.
  4. Sabzini go'sht ustiga soling va 10 daqiqa aralashtirmay turing. So'ng ehtiyotkorlik bilan aralashtirib, yumshaguncha yana 10 daqiqa qovuring.
  5. Sabzini ikki barmoq yopadigan qilib qaynoq suv quying. Zira, zirk, tuz, butun sarimsoq va qalampirni soling. Olovni pasaytiring va zirvakni 40 daqiqa sekin qaynating.
  6. Guruchning suvini to'kib, zirvak ustiga tekis yoying. Aralashtirmang. Qaynoq suvni kapgir orqali guruchni 1,5–2 sm yopadigan qilib quying va olovni kuchaytiring.
  7. Suv guruchga singib ketgach, guruchni o'rtaga do'mpaytirib yig'ing, kapgir dastasi bilan bir necha teshik oching. Qopqoqni zich yoping va past olovda 25–30 daqiqa dimlang.
  8. Dasturxonga tortishdan oldin guruchni zirvak bilan aralashtiring, laganga soling, ustiga go'sht va sarimsoqni qo'ying.